لـــــعــــبــــة حــــبــيــنــيــه

[asklo]

لـــــعــــبــــة حــــبــيــنــيــه

بسم الله الرحمن الرحيم

السلام عليكم ورحمة الله وبركاته

صباح الخير جميعا

من أول عضو سجل في المنتدى لاخر عضو

اليوم أبيكم في سالفه خاصه سوي

سالفة ذات نكهه مختلفه قليلا قد تجدها حاليه أو مره أو لا تحمل من مسميات الذوق اسم

لكن في الاول والاخير ابي اسولف لكم وانتم اسمعوها

كان يا ما كان في حاضر العصر والاوان

اثنان

واحد اسمه باقي تحبني وثاني اسمه محمد

كانو اعز اخويا ونادرا ما يمر يوم ما يتقابلون او ما يكلمون بعض

مشهد ( 1 )

اتصال هاتفي من محمد ... باقي تحبني يناظر الجوال ويرد هلا واهلين وحده كاش والثانيه دين

يرد عليه محمد وهو مكتئب يا خوي لا تجيب طاري الدين

باقي^تحبني : ابشر بعزك من الريال للمليون ولا تهم ولا تغم

محمد : ذكرتني بصفقة امس كل يوم خساير في خساير

كل يوم اقول بانتصر على الفوركس

القى الفوركس مكخفني

يوم ضربه خطافيه يوم سوفليكس خلفي يوم هامر ارتكازي

تعبت تعبت والبلشه ماني قادر اتركه صار ادمان بالنسبه لي

وانت مثلك اعرف


باقي^تحبني : يابو حميد هونها بالصبر وتهون ... الدنيا سهاله ... ما فكرت يوم ليه نخسر

وكل يوم نصر على الفوز ونخسر

محمد : فكرت الين حسيت ان الفكر مني نبت له جناح وطار وطار وطار


مشهد ( 2 )

اليوم التالي

الصديقان على موعد ليلا في ناحيه من الهافمون فوق القص المشهور ومعاهم فرشتهم ودلة القهوه والشاي وحلوى

محمد : وش تفكر فيه يا باقي^تحبني

باقي^تحبني : أفكر في كلامك أمس

محمد : انسى الموضوع ولا تجيب له طاري ... مجرد تطريه أمر بحالة ترند هابط اكثر من الف نقطه ولا أقوى مقاومه توقف في وجهه مثل باوند ين

منصرع واجتاحته حالة جنون

باقي^تحبني : انت ليه كذا تراجيدي ... خلك متفائل بالله خلك فهد ينقض على فريسته لو كانت أسرع من باوند ين خويك ذا ويفتك فيه ...

أو صقر يفرد جناحه ويحلق في العالي ويشق بحدة بصره أعتى طائر نيوزيلاندي

ليه ما تكون سيد ونشوان من تيجان النصر ...

الفوركسي الطموح يمجد نصره مع مرور الوقت ولا يترك الخساره تحد من عزمه

أنت عيبك يا محمد منت واقعي ... دائما احلامك تاخذك بعيد

الفوركس وافي لو وفيت له

عموما انا فكرت في كلامك امس وجت في بالي فكره راح تعجبك كثير

محمد : فكره !!! وش هي هالفكره ؟

باقي^تحبني : مو فكره .... لعبه

واللعبه لها شروط

محمد : كمل ... شوقتني ... نلعب ونترك هم الفوركس وش هي ؟!

باقي^تحبني : هذا اللي ابيك تركز عليه تنسى انك في سوق الفوركس وانك تلعب لعبه

وهدفك تفوز باللعبه ...

من تلعب باحسب لك سنة وحده مهله ... وأذا انت شاطر يمديك تنهيها في ثلاث شهور

اللعبه شرطها تكون عندك الف دولار انت منت في حاجتها وفي نفس الوقت ما تفكر انك بتلعب فيها بقدر ما انت تفكر تفوز باللعب فيها ...

محمد : وضح تراي ماني فاهم شي من اللي قاعد تقوله

باقي^تحبني : صبرك علي ... مو قلت لك دائما مستعجل وما تعطي صداح فرصه يعبر عن نفسه

محمد : عبر عبر ... نشوف وين تبي تودينا

باقي^تحبني : أولا اللعبه 12 مرحله

وما تنتقل للمرحله اللي بعدها الا لما تجتاز المرحله اللي انت فيها

تفوز في المرحله اذا اجتزت المراحل الــ 12 بالتوالي تنتهي اللعبه

قلي كيف ... يعني تفوز في المرحله الاولى تروح للثانيه وهكذا ... لو وصلت للمرحله الخامسه مثلا وخسرت ترجع تبدا من جديد من المرحله الاولى

محمد : أبدا من جديد !!!

باقي^تحبني : أيه تبدا من جديد ... أحد الشروط الجزائيه للعبه

أخفاق مره وحده يعني تبدا من جديد ومن أول مرحله

محمد : طيب وش المراحل وكيف اجتازها اشرح لي اكثر تراك شوقتني

وابي العب هاللعبه من الحين

باقي^تحبني : خلني أكمل لا تقاطعني لا انادي لك المارجن كول يتفاهم معاك

محمد : مو انا وياه متفاهمين لدرجه ما تتصورها

لا يسمعك الحين يجيك بلاند كروزر وكاشح الزينون اللي يشق لك

أقوى أستراتيجيه عرفتها بحياتك

باقي^تحبني : اتركنا منه الحين ويا عساك ما تشوفه ولا يشوفك

اذا ما اركبه لك على دتسن موديل 79 ولا لا تسميني باقي^تحبني

نرجع لموضوعنا

أولا كل مرحله مدتها أسبوع واحد

وهدفها 100 نقطه

من

صفقه واحده بعقد واحد فقط لا غير

ووقف 35 نقطه

كذا

تنتقل للمرحله الثانيه

ومدتها أسبوع كذلك

وهدفها 100 نقطه

من صفقه واحده بعقدين فقط لا غير

ووقف 35 نقطه

كذا تنتقل للمرحله الثالثه

ومدتها أسبوع كذلك

وهدفها

100 نقطه

من صفقه واحده من أربع عقود فقط لا غير

ووقف 35 نقطه

كذا تنتقل للمرحله الرابعه

صفقه واحده من ثمان عقود فقط لا غير

والمرحله الخامسه

صفقه واحده من 16 عقد فقط لا غير

والمرحله السادسه

صفقه واحده من 32 عقد فقط لا غير

والمرحله السابعه

صفقه واحده من 64 عقد فقط لا غير

والمرحله الثامنه

صفقه واحده من 128 عقد فقط لا غير

والمرحله التاسعه

صفقه واحده من 256 عقد فقط لا غير

والمرحله العاشره

صفقة واحده من 512 عقد فقط لا غير

والمرحله الحادية عشر

صفقة واحده من 1024 عقد فقط لا غير

ومحطتنا الأخيره المرحله الثانية عشر

صفقة واحده من 2048 عقد فقط لا غير

أرتسمت علامات الدهشه على ملامح وجه محمد

محمد : باقي ... انت من جدك او تمزح

باقي^تحبني : ههههههههههه

وش فيك مندهش ... لعبه على الطريقه الباجيو تحبينيه

محمد : شوف اذا انت اليوم مروق وتبي تتسلى علي علمني لان اللي فيني مكفيني

تبي تصف أنت والعملات ضدي

كيف تبيني ادخل بـ 2048 عقد

لو انه زنجر ولا ميرفي اقولك يمكن لكن انا !!!

باقي^تحبني : مو قلنا لك خذها لعبه ارقام لا تفكر فيها

Moneywise

بعدين انت وش خسران مو كل يوم وانت خسران وش الجديد يعني

لكن لعبتي

نكهتها غير وما راح تخسر أذا طبقت قواعدها

وقواعدها سهله حيل ... ما فيها تعقيد

محمد : أوكيه أمنا بالله ...

باقي^تحبني : أول محاوله مع المرحله الأولى في حال ما أجتزتها

يبقى لك 26 محاوله بعد كذا

GAME OVER

تخيل 27 محاوله فقط حتى تجتاز المرحله الأولى

يعني لو ما قدرت يبي لك تقرا كتاب اول ابتدائي حتى كتاب سادس ابتدائي في الفوركس

ههههههههههههههههههههههه

بعدين نسمح لك تلعب

محمد : لا من الناحيه هذي معاك ولد يقرا

المرحله الاولى باجتازها مثل براد أبو أربع

باقي^تحبني : تخوف يا محمد

انت كذا تخوف

يركدون يركدون

محمد : يعني لو وصلت مرحله رقم 11 وخسرت أرجع ابدا من جديد

باقي^تحبني : اذا تبي تفوز باللعبه أيه

محمد : ومن وين لي أجيب مارجن يتحمل لــ 2048 عقد

باقي^تحبني : انت فكر في المرحله وحده ورى وحده

اللعبه راح تجيب لك المارجن يا بطل

محمد : ممكن اسأل سؤال

باقي^تحبني : اسأل كلي اذان صاغيه

محمد : لعبنا اللعبه وفزت بالمراحل الــ 12 وبعدين ؟؟؟

باقي^تحبني : بعد كذا

مليون وخمسمائة ألف ريال سعودي في حسابك وعليها كسور بعد

محمد : وش قصتك يا باقي ... انت اليوم ناوي علي ... أحد مرسلك علي

انا وش سويت لك ... تراي ما أستاهل اللي تسويه فيني

معنى كلامك لو اتعدى المراحل الـــ 12 بدون خساره على التوالي راح اوصل

مليون وخمسمائة الف ريال

باقي^تحبني : ريال ينطح ريال ثلاث شهور بفوز متتالي = 1500000 ريال سعودي من اصل 3750 ريال

او بمعنى اخر 1000 دولار أمريكي

وأذا قدر الله ما عديت المراحل او ما كملت او انسحبت في احد المراحل أنت كسبان كسبان

والدليل عندي وسويت لك فايل لعيونك تتمعن فيه

هدف 100 نقطه

وقف 35 نقطه

تخسر جوله تعيد الجوله الأولى

ما يهم تبدا من الف دولار من خمسه الاف من عشرة الاف

ما يهمني

حتى لو تبدا من 500 دولار ما يهمني بعد

ما راح يغير الا بعدد المحاولات اللي تخسرها في الجوله الاولى فقط لا غير

فهمتني الحين ولا تبيني أعيد

وش قلت ؟؟؟ تلعب معي او تبي تتفرج او قل لي وش في خاطرك وانا أجاوبك


محمد : من ناحية ألعب ... انا لاعب لاعب لكن عندي سؤال مهم مهم مهم مهم جدا جدا جدا

و لا زال للحديث بقيه


من ألعاب باقي^تحبني

المصدر: منتدى تعليم الفوركس